Pagina:Trieste vernacola.djvu/142

La coverzi¹ de fodra ogni poltrona,
La se cava el bel abito
E la meti una vecia vestaliona,
Perchè per el marì
Xe bon anca cussì.

Co sto povero diavolo vien casa²
Stanco de lavorar,
La zena no xe pronta.
Ma se solo el se ris'cia³ brontolar,
Madama salta su, nel vivo sponta:⁴
«Te pol spetar, me par, per un momento
Iera giornada de ricevimento».

1. la coverzi, copre
2. vien casa, sincopato di viene a casa
3. el se ris'cia, si arrischia, si azzarda
4. Madama salta su, nel vivo sponta, scatta, punta nel vivo.