Pagina:Trieste vernacola.djvu/125

Da Wikisource
Jump to navigation Jump to search
Sta pagina la xe stà trascrita e rileta.
VII.


El disdoto de agosto,1 i «patrioti»
I ga volesto far dimostrazion:
Mocoli de candela e candeloti.
(Roba vanzada2 de le precession),

Quatro ferai coi vetri tuti roti,
Do trombe, un clarineto e un tamburon;
E zo pel Corso come i mascaroti
Co' l'alegria de la disperazion.

Do stanghe con do strazze zale e nere
Ghe dava l'espression de un funeral
A quel branco de scorze e de foghere.3

«Evviva l'Austria» (m.... papagàl!)
Pareva che i cantassi el miserere
Per la morte del vecio carneval!

  1. el disdoto de agosto: il 18 agosto ricorreva il genetliaco dell'Imperatore d'Austria Francesco Giuseppe, di esecrata memoria
  2. vanzada, avanzata
  3. scorze, gente da poco; foghere, spiantati, disperati.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Trieste_vernacola.djvu/125&oldid=65862"