Nona, ti te ricordi! Ti te ricordi, nona,
Quando che iero picio e vignivo pianin
Ne ta tua camereta, davanti 'l tavolin,
E metevo un scagneto1 vizin la tua poltrona?
E ti te me vardavi de sora dei ociai,
Ti lassavi la calza, ti te sufiavi 'l naso,
E po ti te sbassavi per poder darme un baso,
E mi pronto disevo: «Nona, una fiaba... dài!»
E ti ti cominciavi: «Una volta ghe iera
Una regina bela e bionda come l'oro,
E un principe de Spagna voleva sto tesoro...
E con quel de l'Oriente el se ga messo in guera».
E po ti la giravi2 e ti vignivi fora
Con nani gobi e storti ma boni come 'l pan,
Con draghi che gaveva sie teste e diese man,
E co ti la finivi, mi te disevo: «Ancora!»
Nona ti te ricordi? 'ssai tempo xe passà!...
Ogi son quasi un omo; e co vegno a pianin
Nela tua camereta, davanti 'l tavolin,
Rente3 la tua poltrona, come vinti ani fa,
