No go dito gnente a to pare pover'omo (toco de birbante!), perchè ghe podaria despiàser.
Geg. La diga, e dove andarèmio?
Cat. Andaremo prima da siora Giulia, e po co ela, e co altre tre nostre amighe andaremo a far do passi fin che vien le otto; dopo andaremo a Teatro; ma recordeve de aver giudizio, de starme sempre tacae.
Geg. Eh! no la se indubita.
Lis. Cara la mia mama! (a Geg.) Vienme a dar una man che vado a vestirme. (via con Geg.)
SCENA IV.
Catina poi Bepo.
Cat. Da una parte me despiace a darghe cativo esempio a quei tosi; ma dal'altra co penso che colù crede che mi beva tuto quelo ch'el
