li go trovai in intrada, e che per conseguenza la xe roba sua. Ela credarà che li gabia persi el paron; no la ghe darà gnente che se sa, e stasera le andarà divertirse tute do, e forsi anca mi che fa tre. La me daga el permesso e no voi altro.
Lis. Andemo, va; ma varda ben...
Geg. La lassa far a mi; la vede che a mi no me ne va, ne me ne vien; ma fazzo sta roba perchè ghe vogio ben, e me dispiace véderla qua imufìa anca de sti zorni.
Lis. Oh! varda che xe qua la mama cola santola.
Geg. No la gabia paura.
SCENA VIII.
Catina, Giulia e dette.
Lis. Santola, patrona.
Giul. (parla e gestisce sempre lentamente'') Bondì, vechia.
