paletot) Me ga chiapà una fita qua, ma za no sarà gnente; vado a ciapar un poca de aria.
Lis. Dunque te lasseli andar dai to amici, po?
Nic. Oh! sì! Mah! ghe vol pazienza! Andarò al teatro Bianchini, fra le coltre e i cuscini. (Ma mi ghe la fàbrico.) (via)
SCENA VII.
Lisa poi Gegia.
Lis. Manco mal ch'el la ga tolta in dolce.
Geg. (con uno straccio per pulire i mobili) Per ste quatro strasse anca se no le forbisse, poco mal sarìa. — Paroncina, semo pensierosi, ah? Povareta la me fa pecà. La ga da esser stufa de star sempre serada in casa!
