tolo. Spècite in mi, fiacon! Andemo compare, andemo.
Bort. (p. a Bep.) Quel'afar?
Bep. (p. a Bort.) Lo go qua soto, taçi.
Bort. Ah! ah!
Bep. Adesso a passar davanti a mia mugier me trema le gambe (via con Bort.)
SCENA V.
Nicola solo.
Nic. Sia malegnazo! I fa aposta per tormentarme, i fa. Ma a qualunque costo vogio andar in màscara coi mii amici. Stasera ghe scampo, e po... Sì! E bezzi?... No go gnanca un schèo in scarsela... Quasi, quasi me vien vogia de... (guarda attorno'') Ma no savaria cossa... Qua no ghe xe gnente... Ghe saria la tromba, (accenna alla tromba che è appesa alla
