Pagina:Strade e vicoli.djvu/92

I MOLINI DE L’ADESE

INTERLOCUTORI

Dal'Oca Bianca - Voce da l’Adese ― Voce dal Gheto

Voce da le Arche Scaligere

Dal'Oca

(fermo, impalà, sul Ponte Umberto)

     Le cose vece e bele col tempo le va via
E quando che ghe penso me vien malinconia!
'Na volta in tuto l’Àdese se masenava⁷³ el gran
Da far la polentina, le paparele,⁷⁴ el pan...

Voce da l’Adese

     E alora i molinari⁷⁵ — c’elo che no lo sa? —
I era gente de polso, che i g'avèa fin la Bra!⁷⁶

Dal'Oca

     Ghe n'era de i molini, che n'era tanti e bei,
Ma adesso, a pena, a pena, se i conta sora i dei;
Ah, che bel colpo d’ocio, ste case su i barconi
Con l’àcqua che le scorla,² che rusa frai rudoni,
Con quel sfondo de ponti e case e montesei
Tuti pieni de verde, de mure, de castei...