BARUFA DE DONE
— Ciò, senti Béta, insègneghe a to fiol
A tirar sempre drito la so strada....
— Ti con me fiol ormai te l’è ciapada65
E a dirtela sul muso la me pol!
— No ghe l’ò con nissun! l’è un rompicol
Che el g'à tirà al me gato ’na sassada,
Ma se el vien quà ghe maco66 la fassada;67
Guarda, me fasso un gropo in t’el fassol!
— E el tuo a me fiola el g'à tirà i cavei!
— La g'à dà del piocioso,68 el setu miga?
— Se sa, i è pieni tuti i to putei!...
— Bruta schifosa, mi te mando ’ndove...
E intanto i mostri i bala, i fis-cia, i çiga:
“Le done che barufa: piove! piove!!„
