II.º
Fra amighe
— Dal bon6 che el to moroso el t'à lassado?7
E con che scusa, dime, cara ti:
No ’l t'avarà piantado miga lì,
Un qualche imbroio l’avarà trovado! —
— Oh, in quel momento l’avaria magnado!
Dopo quatr’ani el dise, sonti mi?8
Che so pare no vol, che mi, che ti,....
Che lassa far al tempo: sto massado!
E intanto ò perso i ani a far la mufa,9
È son sta brava se ò portà passiensa:
Uh, se lo trovo nasse ’na baruta!
— Vuto saver10 la causa del to mal?
Ci me lo dise a mi, che g'ò spariensa,11
L’è par no farte el solito regal!
