Pagina:Spiere de Sol.djvu/51

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


DISPOSIZION FEROVIARIE!
(A un amigo salvà dal disastro de Castel Giubileo).


Xe co' rigor proibìo severamente
de andar drento in stazion senza biglieto;
no xe permesso, e molto giustamente,
4montar in treno dopo del fischieto.

I soni, i canti, i urli de la zente
xe proibii in viagio col direto;
no xe permesso el fumo finalmente
8gnanca per un strasson de spagnoleto!

Eco le norme e le disposizion
che ne impone la cara ferovia
11soto pena de multe o de prezon.

Ma se gnente ne lassa sti... paroni,
una roba però no xe proibìa:
14xe de farse massar come c...aponi!!!