V.
CO' TI NEL CUOR!
CO' TI NEL CUOR!
Co' me alzo bonora, a la matina,
quando alegro e slusente bate el sol,
el mio primo pensiero, birichina,
4xe per ti, se ti vol o no ti vol!
Me par da averte sempre a mi viçina
e sta ilusion a mi gnissun me tol;
de vedarte davanti e più carina
8de far de manco el mio pensier no pol.
Se a far qualcosa, anzolo, me meto,
a lezar una letara o un zornal,
11co' ti nel cuor, no posso no star quieto.
Me par d'aver un diavolo nel sen,
un diavolo de quei che no fa mal,
14de quei che no se manda... ma se tien!!!
