III
EL TO' QUADRETO.
EL TO' QUADRETO.
I to' cavei xe neri fa' el carbon
ma lustri, delicati, da pitura,
ti ga un viseto dolçe fa' un bonbon,
4de queli che se vede in miniatura.
Ti ga do oci pieni d'espression,
sbiseghini, che vede ogni fessura,
de quei ocieti pieni de passion
8che de le volte me faria paura.
Cussì, sto bel profilo berechin
voria, Madona santa e benedeta
11farlo far in un quadro piçenin.
Co' atorno una cornise col slusor,
e po' tacarlo a pian... co' una schioneta
14drento... quà drento... in fondo del mio cuor!...
