A L'ESPOSIZION DE VENEZIA
(Ano 1901).
BEETHOVEN.
Do de lori, con arte e co' passion
sona Beethoven seri, entusiasmai,
e par che da quei soni trasportai
4no i cura... la perfeta posizion.
Sora un sofà, viçini e mal sentai,
dal viso che fa proprio compassion,
ghe xe altri do... cussì... co l'espression,
8da poeti e d'artisti inamorai.
L'idea, per mi, xe proprio indovinada;
però ghe xe chi trova speçialmente
11la posa de quei visi esagerada:
Ma mi voria che questi che se lagna
ghe domandasse in recia a quela zente
14da quanti dì che i sona... e che no i magna!!
