SALVE BASSAN!!!
Bondì cara stagion de la campagna
e arie che façeva ristorar,
bondì bei prai, bondì verde montagna
4e loghi che me fava insin sognar.
Bondì Grapa, bondì pian de Solagna
e viste che m'à fato entusiasmar,
bondì Oliero, bondì... bondì Valstagna,
8mi pianzo nel doverve abandonar!
E pianzo nel pensar che là a Bassan,
simpatico, zentil, pien de premura
11lasso un popolo bon e cortesan:
Pianzo... e per gratitudine d'afeto,
e per memoria eterna e imperitura
14sul Sior Tonin go fato sto soneto!!!
