Pagina:Spiere de Sol.djvu/22

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


A L'ESPOSIZION DE VENEZIA

(Ano 1899).
MIA NONNA.

(quadro di E. de Blaas)


Bela come la riosa! una bocheta
da basi e da sorisi apassionai,
do' ocioni tagiadi a mandoleta
4che ve tien, là davanti entusiasmai.

Un naso birichin e da macieta,
de quei picoli, fini e profilai,
una vita slanzada, snela e streta,
8un bijou de risseti modelai.

Cussì ti xe: simpatica e graziosa,
una Nona.... de quele da marìo,
11tuta grazia, furbeta e maliziosa.

Ma se l'estro me porta in Elicona,
una roba però m'à infastidìo:
14Ah! che pecà che no ti sii mia nona!!