Pagina:Spiere de Sol.djvu/16

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


LA CONQUISTA DE LA NINA.


Pien de passion, gersera, entusiasmà
go promesso a la Nina eterno amor;
la m'ha risposto: «Cori desparà!
4co l'amor no se vive ma se mor».

Po' passando darente d'un trator
«Nina, vustu magnar?» go dimandà;
la m'ha risposto: «Grazie, caro sior,
8ma a casa mia, s'el crede, go magnà».

Ma co' semo arivadi più viçin
a la porta de casa, e incoragià
11go volesto mostrarghe el tacuin,

La Nina ga cambià: «Caro sto muso!»
la m'ha risposto, e dopo, un fià più in là,
14«Tesoro mio, vustu vegnir desuso?...».

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Spiere_de_Sol.djvu/16&oldid=65308"