Pagina:Spiere de Sol.djvu/13

Sta pagina la xe stà trascrita, ma la gà ancora da vegner rileta.

DISILUSION!
Comovente storia de un çestinà

— Tenta, tenta, per baco, fa un soneto
e mandilo al Tonin,¹ ti vedarà
che sto sabo che vien sul zornaleto
4el to primo lavoro i stamparà. —

Mi lo scrivo delongo e co' rispeto
al Tonin ghe lo mando defilà;
passa i zorni... co' ansia mi l'aspeto
8sto can de Sior Tonin indormenzà!

Vien el sabo: me cazzo fra la zente,
coro, compro el zornal, verzo i foglieti,
11el gh'è... nol gh'è... volta fassada... gnente!

No ghe xe un'ostregheta, el cor me manca,
in malora el Tonin, porchi i soneti
14per lori go strassà... meza palanca!!

↑ Zornal umoristico e dialetal, che se stampa a Venezia.

[1] Zornal umoristico e dialetal, che se stampa a Venezia.

1