Pagina:Serie degli scritti impressi in dialetto veneziano.djvu/60

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.


naturali sentimenti, che non tralasciano per questo di essere oggetto di studio e di osservazione.

          Mi son tanto inamorao
    In dona Nina mia vesina
    Che me dà gran desciplina
    Che me vedo desperao.
Gnao bao, bao gnao
Mi son tanto inamorao.
          Mi me senta tanti afani.
    (Tuti i porto per so amore!)
    Che par proprio che sia cani
    Ch'al mi cor fazza brusore;
    Che da tute quante l'ore
    Mi me sento passionao.
Gnao bao, bao gnao
Mi son tanto inamorao.
          Quel so cor par propio pezza
    De formagio marzolin.
    Ela sempre me calezza
    Come fussi fantolin.
    Quando ho abù qualche quatrin
    Ela sempre m'ha cavao.
Gnao bao, bao gnao
Mi son tanto inamorao.
          Maladeto chi g'ha vogia
    Da intrar in amoranza,
    Che mi sento tanta dogia,
    Che par ch'abia un buso in panza,
    Che par propio che sia lanza
    Che 'l mio cor ha trapassao.
Gnao bao, bao gnao
Mi son tanto inamorao.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Serie_degli_scritti_impressi_in_dialetto_veneziano.djvu/60&oldid=65266"