Per consolarte
Vado a impizzarte;
Ma vòi che resta
Tuti a sta festa
Fin che quà capita
84Doman el Sol.
Persicos odi puer apparatus:
Displicent nexae philyra coronae.
Al so' puto zardinier.
Per vegnir nel mio zardin
A passarmela un tantin,
3Quei parèchi, come in Persïa,
Li aborisso e no li vogio;
No te tor, donca, sto imbrogio,
6Puto mio, nò caro ti.
Lassa star, no savariar
Co le tilgie a preparar
9Le girlande, e andar a torzïo
Per catar le più ben fate
Tra le rose ultime nate.
12No lo voi; tel digo mi.
Ma bensì ti alestirà
Del bel mirto in quantità,
15Perchè soto la mia pèrgola,
Quando bevo, el mirto solo
Me dà gusto, e me consolo,
18Che, a tì pur, stà ben cussì.
