Co' se fa i bagatini,
Mi, boni polastri, galine e caponi,
Lamprede, branzini, variòli, sturioni;
Ma adesso son tanto graṁeto
Che stago tre dì che no magno un paneto
Che no magno un paņeto.
E chi è causa, chi è causa, Signora,
Se le care, le care dolcezze
De le vostre belezze,
Con ati, con gesti, con scherzi vezzosi,
Con mile lusinghe, con sguardi amorosi
Me incitava a servirve ad ogn'ora?
Ma adesso m'acorzo che son in malora.
Che son in malora.
Preparève, preparève a trovarve
Dei morosi, morosi più cari
Ch'abia roba e danari,
Perfin c'ho podesto portarla cimada,
Portar el zanclieto, manopola e spada,
Son stà forte per tuti i cantoni;
Adesso no ho bezzi, son re dei minchioni
Son re dei minchioni.
Mi no posso, no posso durarghe
A una spesa, a una spesa si grossa,
Trovè pur un che possa.
Vu sempre a la tola volè bon vedèlo,
Bon lesso, bon rosto, bon vin moscadèlo,
La me borsa no pol far ste spese,
Mi bisogna che vaga in altro paese
In altro paese.
Me n'ho acorto, n'ho acorto gier sera
Che me davi, me davi del grosso
Perchè più mi no posso.
Co'l cesto no porta dei boni boconi
