Sta pagina la xe stà trascrita, ma la gà ancora da vegner rileta.
Che a pian, senza strepito,
Traversa el tragheto;
Su l’alto patrizio
Balcon destirà
Più straco se picola
L’arazzo fruà.
Ma in fondo, ne l’aria,
Se ilumina un arco;
Xe i mile che sfolgora
Ferai de San Marco;
Ne ariva de musica
Un eco distante...
Xe el cuor de Venezia
Che ancora festante,
Le prove, le glorie
Pensando de un dì,
Là in Piazza no palpita
Che, bela, per ti.
Ah no, ne la storia
Del mondo una festa
No esiste più splendida,
Venezia, de questa:
Incanto de popolo,
De re e imperadori,
Delizia, martirio
De artisti e scritori,
Superba memoria
De un tempo passà,
Inutile invidia
De cento çità!