Sta pagina la xe stà trascrita, ma la gà ancora da vegner rileta.
LA NEVE.
(Arlecchinata).
Parona, la casca!
La varda che fiochi!
La casca, la taca,
La vien a balochi.
Che gusti, che godi!
La taca e in altana
I copi coverti
Par piati de pana:
De pana, parona,
E ben preparai,
Che tuti i camini
Xe storti impirai.
Che gusti, che godi!
Da basso el campielo
La varda co lisso,
Co bianco, co belo,
El par una torta,
Dasseno che mora!
Co’ tuta la giazza
Butada per sora.