Pagina:Scherzi poetici di vari celebri autori italiani e veneziani.djvu/125

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Lo vusto proprio, Ancilo mio, saver?
Ma no dirlo a gnissun, gnanca al furlan,
42Che in sto mistero è messo el mio piacer.
     Ne la celebre vila de Perlan,
Che no pol un geografo ignorar,
45Son in mezzo a la Gazera e Legian.
     E se go vogia mai de caminar,
Chirignago, Spinea, Mestre, Noal
48Posso con poca strada visitar.
     Governante fedel mia comensal
Go una puta che lava, e me tien neto;
51Ne gh'è, te lo protesto, ombra de mal.
     Un palazzo incantà me dà riceto,
Digo incantà, perchè senza esser mio
54Ziro dall'altro al basso, e go un bon leto.
     Co se leva le zeleghe dal nio
De sentirle cantar no me ne importa,
57Ma stago nel mio cuzzo impoltronio,
     Finchè la puta un bon cafè me porta,
Che vero de levante e fatto ben
60Me svegia sul momento, e me conforta.
     Domando se xè nuvolo o seren,
Nè de levarme su no trovo el quia
63Se a redosso le nove no me vien.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Scherzi_poetici_di_vari_celebri_autori_italiani_e_veneziani.djvu/125&oldid=67259"