EL SOGNO
Madrigale
XVIII.
Oh che sogno ridicolo!
Dormiva, e me pareva
D'essere deventà picolo picolo;
Un putin de cinque ani, vale a dir,
5Essere mi credeva:
E cussì nel dormir
Me sembrava scherzar co ti, Nineta...
(Che palpiti inocenti!
Che insoliti contenti, — o mia dileta!)
10Persuadendome alora nel mio cuor
Che sia i putei più fortunai in amor,
Mi ringraziava el cielo
D'esser cussì putelo,
D'esser cussì picin,
15Vedendome da Nina cocolà...
Ma questo è stà el malano,
Che alfin me so svegià,
E invece d'un Putin,
Me so trovà un Putòn de trenta un ano.
