Pagina:Saggio di poesie veneziane.djvu/12

Da Wikisource
Sta pagina la xe stà trascrita, ma la gà ancora da vegner rileta.
LA MISERIA UMANA


II.


Tuto xe orore, tuto xe afano,
Tuto xe smania, tuto xe dano
Co ben se varda, co ben se medita
Tante cosazze, che ghe xe al mondo,
5Che me confondo — co penso un fià.

Se pò a sta massima, che me par vera,
Qualche bel spirito ghe vôl far guera,
Ch'el vegna avanti, ch'el parla libero,
Perchè un poeta no pol mentire
10Per contradire — la verità.

Mi intanto osservo per ogni banda,
Sia in carne picola, sia in carne granda,
Una babele de zente indocile,
Tuti volubili, tuti sogeti
15A quei difeti — che tuti ga.

A quei difeti, ma tanto bruti,
Che Done e Omeni ga quasi tuti,
Per una sorte un pò tropo barbara,
Che tuti schiavi ne vol de quela
20Berichinela — fragilità.

Ghe vôl benissimo le so ecezion,
Questo s'intende; no gh'è razon

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Saggio_di_poesie_veneziane.djvu/12&oldid=61451"