Sta pagina la xe stà trascrita, ma la gà ancora da vegner rileta.
Digo! per altro
mí no so quelo
che a tuti fassa
el critichelo,
e za che zemo,
qua per sior Piero,
esser mi vogio
co lu sincero.
No vogio, caspita,
mi per sicuro
che lu me tegna
el muso duro
e la mia critica
finisso in boto
alzando el sbròdego
che go nel goto
e invido tuti
a dir co mi:
«Viva sior Piero!»
e far cussì...
Venezia 29 giugno 1902.