e protesto vivamente
a le smanie che ga Nasi 1
che aprofita in tuti i casi
de la nostra gran bontà.
Se faremo, come sempre,
presentandose a li esami,
la figura dei salami,
questo ancora pol passar;
quel che importa xe che Nasi
de dispòner se ga inteso
ch'el ne fa bociar de peso
no savendo la lezion.
Questo po se ciama tropo
tor in giro le persone,
e saressimo ben mone
de no farse rispetar.
Fin che a scola i professori
vol passar i bravi tosi
e bociar i più ritrosi,
mi za vogio sioperar! —
- ↑ Ministro della pubblica istruzione nel tempo
in cui fu scritta la presente. (Marzo 1903).
