Sior Quagioto, furibondo
da una simile risposta,
no sa più se Tizio diga
seriamente opur aposta;
ma sogiunge alora l'altro:
» Cossa vorlo, sior paron,
» go robà da un negoziante
» quatro metri de cordon.»
― Come mai? per quatro metri
— de cordon i v'ha cazzà
― una simile condana? —
ga Quagioto domandà.
» Ghe assicuro che no i gera
» più de quatro, ma però
» su la çima, me so acorto,
» che ligà ghe gera un bò.»
