Sta pagina la xe stà trascrita, ma la gà ancora da vegner rileta.
Eviva a la castradina.
Che ti vegni da la Russia,
da la Spagna o da la Cina,
da Mogian o Pelestrina,
da la Franza o dal Perù;
che i te porta co 'na tecía,
'na tarina o 'na pignata,
rota in tochi opur intata,
sora un piato o s'un tagier;
che i te serva cota o crua,
dura, tenara o salada,
che i te gabia cusinada
co de l'acqua o co del vin;
che i te magna co le verze,
co 'l radicio o pevaroní,
che i te magna co i pironi,
co i corteli o co le man;