el to cuor... e ti ghe meti nele so man el to onor, el bon nome de to pare... e ti ghe scrivi de ste letere, de ste parole che le brusa i oci a lezerle... «Si ricordi bene... io... (commovendosi) io ho deciso... quello... quello che farò!...»
Doralice
Sì, ti ga rason, papà!... Go perso la testa... go volesto tropo ben... e ormai a sto mondo per mi xe finìo tuto... Dighe pura a la mama che i soldi li go tolti mi!
Giacomo (spaventato)
A la mama, no! xestu mata?... Lo savaria tuta Verona!
Doralice
No, no, no m'importa! No posso lassarghe la colpa a la Carolina!
Giacomo
Sicuro! Povera Carolina!
Doralice
Fè de mi tuto quelo che volè, ma ciama la mama! Dighelo subito!
Giacomo
No... no! la mama la xe una brava dona... bona...
