Orsolina
Ti gà robà i trenta: ti gà robà i vinti.
Giacomo (che ha osservato Temistocle)
Orsolina...
Orsolina (a denti stretti: dandogli un pizzicotto)
No farme el piavolo, quando ti sà ch'el xe un busiaro maledeto! (a Temistocle) Ti gà robà i trenta: ti gà robà i vinti!
Temistocle
I trenta intanto, no li gò robai gnente afato! li gò tolti per scherzar... lo ga dito anca el papà. E i altri, mi no li go gnanca visti che xe tanto! No sò quanto tempo xe che no meto piè ne la tò camara. No son un ladro mi, ohè, per vostra regola! (tira fuori una sigaretta e l'accende) Tutt'al più, a la Doralice, ghe porto via qualche sigareta del Napoletan!...
Giacomo (a Orsolina)
Nol xe stà proprio lu!
Orsolina (arrabbiata)
Chi vusto che sia stà? I sorzi?
