Pagina:Rime pescatorie.djvu/81

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Besogna haver pacientia,
Spetando'l zorno, che vegnì cortese;
E far gracia al meschin,
Che ve fa reverentia;
Suplicando con le braxze, destese,
Imparando à mie spese,
No esser cosi audace;
Mo chi se tignerave
Sotto dusento chiave
Si ben, se pertinace,
No ve amar sempre mai,
     Che un di son certo, che inscirò de guai.
Vignera tempo anchora,
     Che sarè mansueta;
     Habiando del mio mal, qualche pietae.
     Donca spetterò l'hora,
     Dolce mia raiseta,
     Che slarghe un poco la vostra bontae,
     Sia d'inverno, o d'instae;
     No fo mai tardi el ben
     A chi da seno ama,
     Che stago sempre in fiama,
     Perche'l mio petto, de fuogo xe pien;
     Oime chel vostro viso,
     Si me fa refudar el Paradiso.
Canzon, va da Madonna in zenochioni,
     E dighe'l mio dolor;
     Che si no la m'aida, e perdo el cuor.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_pescatorie.djvu/81&oldid=56053"