Pagina:Rime in dialetto veneto di Polifemo Acca.djvu/72

Da Wikisource
Sta pagina la xe stà trascrita, ma la gà ancora da vegner rileta.
LA CASETA PERSEGUITADA1
A UN PODESTÀ


     Vedeu che bicoca desgraziada
Che a certi rospi fa vignir la freve,
E à ciapà tante sbalotae de neve
Che i me la ga deboto rovinada?
     In un colpo de man l'ò repezzada,
L'ò fata piturar come se deve:
La xe la perla de la so contrada,
E posso dirve: „Podestà, specieve!“
     Ma dopo averme fato laorar
Da fravo, d'architeto, da inzegner,
Anca un soneto me voleu cavar?
     El soneto xe qua; ma per la coa,
A dirla schieta, no m’ò dà pensier:
Qualche censor ghe meterà la soa.

  1. Una casipola sul viale dell’Acquedotto, che fece a lungo discorrere un giornale.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_in_dialetto_veneto_di_Polifemo_Acca.djvu/72&oldid=71216"