Pagina:Rime in dialetto veneto di Polifemo Acca.djvu/51

A UN ESIMIO CAPOCOMICO

     Gavaressi el morbin de torne via,
Caro ’l mio capocomico dreton,
Col meter sora el vostro cartelon
Sina i famegi¹ de la compagnia?
     No bastava una longa litania
Che va dal primo a l'ultimo bufon?
Chi smorza i lumi o cala zo el tendon,
Poco importa saver che zente sia.
     Ma quel ch’in tera no s'à visto mai,
Quelo che ne spaventa più de tuto,
Xe i tre sugeridori ben fiadai.
     Sentime, in confidenza, caro puto:
Voleu che i fati vostri sia lodai?
Tegnighene uno solo — e che 'l sia muto.

1. Servi.