E ti te moli e sbampoli qua e là,
Picante Orazio col capel sbandà,
Co una filza d’anedoti salai
Da far schiatar chi no à ridesto mai;
E se, calzando un’aria da profeta,
De la to pinza1 ti ne dà una feta,
Lassete dir che la xe sempre poca
Per la stagion che no ti verzi boca.
Vustu guarir, fio mio, de sta passion?
Manda a Patrasso Eraclito e Zenon,
Co tuti quei filosofi e sienziati
Che a i zorni nostri passaria per mati;
Seguita invece nei so alegri voli
Porta, Zorutt, Goldoni, Guadagnoli,
E lassa pur che 'l vaga a tombolon
Sto mondazzo de carta da balon.
- ↑ Focaccia.
