OPINION SULLA CREAZION DELL'ANEMA.
SONETTO
Ghe xe stà un'opinion famosa assae,
Che la m'hà piasso quando, che l'hò letta,
E de questa s'hà fatto una gran setta,
4Che l'hà credesta Zente in quantitae,
Che l'aneme da Dio sia stà creae
Colla so cognizion, che xe perfetta;
Per pò mandarle per la via secretta
8In le Creature, co le xe formae.
I diseva de più, che andar doveva
In un corpo mal san, e mal formà,
11Quello, che dei peccai fatto gaveva.
Bisogna dir quando, che 'l m'hà mandà
In un corpo mal fatto, e che me greva,
14Ch'abbia qualche Anzoletto buzarà.
