Pagina:Raccolta universale delle opere di Giorgio Baffo 2.djvu/88

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


ALLA MEDESIMA.


SONETTO


Siora Perina mia, se la gavè,
    Femela ancora a mi la carità,
    I morti xe, che a ognun i cercherà,
    4E a mi d'andar permesso no me xè?

Bisogna, che vù quà me la sporzè
    Sta fava, che da vù vien despensà,
    Più merito cussì averè acquistà
    8A darmela, se quà me la portè.

Più in bisogno de mi gnessun se catta,
    Xe un anno, che patisso, e dà de botta,
    11Che sappia appena, come la xe fatta.

Per portarmela quà, co la xe cotta,
    So, che gaverè pronta la pignatta.
    14Diseme. Mi la gò, ma la xe rotta,
                    N'importa, purchè inghiotta,
Sia, co la vuol, ghe basta ai Veneziani,
    17Che, se la spande el bruo, la tegna i grani.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_universale_delle_opere_di_Giorgio_Baffo_2.djvu/88&oldid=60632"