Come, che l'Emo prova un gran contento,
Co 'l pensa de montar Nave Patrona,
Cussì co penso de montar la Dona
4Una grand'allegrezza mi me sento.
Lù per voler montar quel Bastimento
El rischia una burrasca buzarona,
Mi per voler montar quella Maona
8Me rischio de chiappar un scolamento;
Lù no varda incontrar qualche occasion
Per contrastar con un Corsaro in Mar,
11Mi no vardo a taccarla col Berton.
Tutti do in summa, lù per navegar
El rischia robba, vita, e condizion,
14E mi rischio l'istesso per chiavar.
Bisogna argomentar,
Che tanto possa a lù Nave Patrona,
17Quanto, che a mi me puol la Buzarona.
