CONTRO LA CARGADURA DELLE DAME
SONETTO
Ste Dame, che stà assae sul so decoro,
Che gnanca in fazza le se puol vardar,
Che le stà là con un'aria, che le par
4El Papa, quando l'entra in concistoro.
Queste, come fà tanti, no le adoro,
Anzi le me fà voggia da cagar,
Nè mai l'Osello le me fà tirar
8Co tutta quanta la so Mona d'oro.
Le me svegia despetto, e compassion,
Ste cogione vivendo retirae
11In una sciocca, e dura condizion;
Beate quelle, che le so chiavae
Le tiol senza interesse, nè ambizion,
14Chè Natura a sto oggetto l'hà creae.
