ALLA MEDESIMA
SONETTO
Per un poca de Mona, che gavè,
In qual stato la sia chi mai lo sà!
Me volè usar sta superiorità
4A dirme do manini, che volè.
Mo vìa moleghe; oh che sia buzarà
Ste domande cogione! O no savè
Far el vostro mestier, o che intendè
8Prezzar la Mona quel, che mai s'hà usà.
Quando, che ve xe arrente un cortesan,
Savè dir, vita mia, ti te me piasi,
11Son tutta toa d'arrente, e da lontan;
Ma nù alfin se svodemo, come vasi,
Che'l fotter sempre è stà mestier da Can;
14E 'l Cazzo arrischia dei gran brutti casi.
