COSA SIA LA DONNA
SONETTO
Cosa xe mai sta Donna, sta magìa,
Che confonde la testa, e impiaga el cuor
Al putto in Cappa, al Savio, al Senator,
4Alla Nova, alla Vecchia Quarantìa?
Che Soliman indosso gà custìa,
Ch'ogni Prencipe, Rè, e Imperator,
E Gardenal, e Papa và in amor
8Per la forza cussì granda de custìa?
Cosa xe sto movente, st'attrazion,
Che 'l Savio, 'l Dotto, e tutta la Sorbona
11E ogni talento alfin resta cogion?
Cospettazzo de Dì; cos'è sta Dona?
Che magnetico gala in conclusion?
14El Baffo lo dirà: la gà la Mona.
