ALLA MEDESIMA
SONETTO
Co vedo quella schiava a far l'amor
Co quella gran superbia all'Oriental,
Partecipo anca mi del so furor,
4Che me par, che farave un criminal.
A sentirla cussì dolce de cuor,
E in te la so passion cussì bestial,
Me interessa a tal segno el so furor,
8Che m'innamoro, come un anemal.
Perchè la se cavasse da quel can,
Che per averla fà tanti fracassi,
11Ve zuro, ghe darìa qualcosa in man.
Mi ghe la menaria senz'altri chiassi
Fora de là, e andarave a star lontan
14Sempre con ella in tei paesi bassi.
