E la dise che divota
L'ha per farlo una rason,
Tal che insister sulla cossa
A gnessun no par più bon.
Desmontadi alla Locanda
Co una fame la più granda,
Oe sior osto, allon disnemo
Ma più presto che podemo.
La menestra vien in tola,
E gnessun sicuramente
Ghe dirige una parola
Per aforzarla a magnar gnente.
Vien el lesso, una fritura,
E scomenza sta creatura,
Badinando co un piron
A becarsene un bocon.
La ne ispira del coraggio
A esibirghe un altro piato,
Che la trova povaretta
Quanto basta delicato.
