In collera a Trottolo
El vecchio disea:
» Zioghemoghe Mamara,
» Che go la librea?
Ma in mezzo a sti dialoghi,
Passada xe un'ora,
El conte Redestola,
No torna indrio ancora.
Le furie terribili
Depenzer chi pol,
De quel miserabile
Minchion barcariol?
L'aveva de seguito
Cinqu'ore laorà
E po poro diavolo
Ga el terno toccà.
La fiaba ridicola
Palpada con man,
Quel forca de Trottolo
Radopia el baccan.
