Se a un consesso venerando,
Pare santo me presento,
No incolpeme d'ardimento,
Deghe retta alla rason.
Tutti i zorni, son seccada
Da continui piangistei,
Vecchi, zoveni, puttei,
De mi sempre tiro zo.
A sentirli mi ghe tegno,
Figureve el so bisogno,
Ah! che dirlo me vergogno
Come i parla ancuo de mi.
Da vu istesso podè dirlo,
Se mi gnente me sparagno,
Per portarghe del guadagno
Per poderli consolar.
Vorli piova? ghe la mando,
Vorli caldo? gh'el concedo,
Dunque causa no ghe vedo
De vegnirme a importunar.
