Le donne che per solito
Onora sti mii opuscoli
No mostri gnessun palpito
No spanda mal umor,
Che questi za insidiandoghe
No va l'adorator.
Sti sdegni miserabili,
E ste dubbiezze inutili
Sia pur de quelle rancide,
Che ancuo cercando va,
Amanti per limosina
Amor per carità!
I sia delle petegole
Che sempre incomodissime,
De qua, e de là le scotola
Donando el so parer;
Ch' essendo Cenerentole
Se tol dal sa fogher.
I sia de quelle stupide,
Che crede d'esser Veneri,
E che ai so pie le immagina
El mondo incadenà,
Quel mondo che un ridicole
Eterno ghe ne fa.
