Ah! perchè lecito
Prima qualch'ora,
Saver del zovene
No me xe stà,
Ch'el giera l'idolo,
Che la signora
Restando in mascara
S'avea trovà.
Benchè pettegolo
Per mio costume,
Vegnisse el diavolo,
Avria tasù,
Ma mi catandome
Privo d'un lume,
Cussì da stolido
M'ho contegnù.
Per fato barbaro
So ancuo ridoto
Da novo un esule
Senza paron,
E in sto pericolo
No m'ha condoto
Che un atto libero
De confession.
