Lassadi i patrii lari,
Poco distanti da Venezia assae,
Senza incontrar pericoli de mari,
M'ho messo tra lagune, e tra palae,
E in ton da viaggiator l'ho visitada,
E per dretto e roverso esaminada.
Bella, e sempre più bella,
Benchè tra i vechi qualchedun me diga,
Che no la xe più quella!
Ma intanto el material che l'occhio incanta
Xe quello istesso, o meggio el xe de assae:
Per esempio contrae
Diverse xe slargae,
E xe ben natural, che tanti ingressi
Lassà no gabbia più quei busi istessi.
S'ha volesto, e va ben, che no ghe sia
Gnente senza bon gusto, e simetria.
Le mostre sporte in fora,
Specialmente d'oresi, e bisutieri
Manco della metà ridotte a st'ora,
No le dà più imbarazzo ai spassizieri,
Cussì chi spesso se riduse in strada,
La trova almanco comoda, e giustada.
Ma le bellezze viste in ogni parte
