Più assiduo d'un nonzolo
Ghe muo el cezendel,
La vacca ghe dedico
Se manca el vedel.
Dizuni, quareseme,
Mi cerco de far,
E tutto per vedarlo
Un poco a cambiar.
De rose, de bocoli,
De gigli, e gimè
Davanti all'imagine
Ghe metto el bouquè.
Ma tutto xe inutile,
I sforzi no val,
E invece facendose
Va cronico el mal.
Nell'atto medesimo,
Che stago scrivendo
Me sento nell'animo,
Un palpito orrendo.
